Worship
November 4-6, 2026 chhung khan Lunglei Chanmari-ah Zai hruaitu Training neihpuiin T.Upa H. Lalrinmawia, Senior Music Instructor leh Pu C. Lalchhandama, OA te an kal.
Presbyterian English School
November 6, 2026 (Zirtawpni) khan Upa P.C. Vanlalhruaia, Supervisor of Schools, Pu Rosiamliana Ralte, Ex-Vice-Principal DIET (Retired) leh Dr. Vanlalfana, Associate Prof., IASE te chu Mamit-ah Mamit District chhunga PES Teacher-te tan One-Day Training neihpuiin hun an hmang a, PES 17 leh Nazareth English Medium School, Zaite (SMB) atangin Zirtirtu 197 an tel. Training-ah hian paper pahnih zir ho bakah PES kalpui mek dan leh hmasawn zelna tur nia hriatte sawi hona a ni bawk.
November 8, 2026 (Pathianni) khan East Phaileng PES chuan PES Day leh PES Awareness Campaign neihpui tura an sawm angin Upa P.C. Vanlalhruaia, Supervisor of Schools leh Upa Lalthanzama, Committee member te an kal.
MSSU
November 7, 2026 (Inrinni) khan Sunday School Zirtirtu Training neihpuiin trainer-te hetiang hian an chhuak:
Zaite Bial - Upa K. Zoremsanga leh Upa C. Lalbiaksanga
Sialsuk Bial - Upa B. Lalhmunliana, Upa B. Hmingthanruala leh Upa Isak Zarzoliana Chhangte
Social Front
November 8, 2026 (Pathianni) khan Falkawn Kohhranah Social Media hman inzirtirna neiin Rev. Dr. K. Lallawmzuala, Executive Secretary leh Rev. Dr. Malsawmzoliana, campaigner te an kal.
November 8, 2026 (Pathianni) khan Kanan Kohhran Tleirawl Chawhnu Inkhawmah Social Media hman inzirtirna neiin Rev. Dr. Andrew H. Laltlanliana, campaigner a kal.
SL&PB
November 6-9, 2026 chhung khan Zawlsei Kohhranah Literature Seminar leh Campaign neiin Rev. P.B. Zosapthara, Editor leh Tv. K. Rosangliana, Asst. Editor te an kal.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Serchhip Bazar Venga damlo leh leimin tuar chhungkaw pathum hnenah Rs.40,000/-, Kawrtethawveng bial chhunga khawsak harsa chhungkaw pahnih hnenah Rs.20,000/- leh Kawlkulh khuaa khawsak harsa chhungkaw pakhat hnenah Rs.10,000/- pek a ni.