Nimin (November 20, 2026) khan Aizawl Theological College (ATC) chuan ATC Day, Vawi 61-na lâwmin hun an hmang. College Day lawmna hun hi Inter-Cultural Centre (ICC) Auditorium tharah hman a ni a. He hun hi Rev. John Raldosanga, Synod Moderator-in inkhâwm a kaihruai a, Rev. Dr. K. Lalrinkima, ATC Principal-in inlawmna thû sawiin report a pe a. Rev. Prof. Dr. C.I. David Joy, President, Senate of Serampore College (University) chu Speaker nîin “The Lord is at Hand – Resilience, Peace and Social Cohesion” tih thupui hmangin thuchah a sawi.
College Day lawmna inkhâwmah hian ATC Choir, ATC Male Voice leh Female Voice-ten Pathian fakna hlâ an sâ a, zirlai tiṭhâte hnênah lâwmman chi hrang hrang sem a ni bawk. Lâwmmante hi Rev. Dr. V.L. Luaia Hranleh, Senior Executive Secretary leh Rev. B. Zohmangaiha, Synod Secretary ten an hlân a. Best Outgoing Student-ah Lalpeksanga thlan a ni.
Hun tâwpah Rev. Prof. R. Vanlaltluanga, Dean of Doctoral Studies-in lâwmthû a sawi a, Rev. R. Lalvulluaia, Theological Education Board member-in Malsâwmna sawiin College Day lawmna inkhâwm a ṭîn a, zanriah kîl chhunzawm nghâl a ni.