Mizoram Presbyterian Kohhran hnuaia Committee sang ber, Synod Executive Committee vawi 262-na chu Feb. 23-25, 2016 chhung hian neih a ni.
He committee hi Synod Moderator Rev. H. Lalrinmawia’n a kaihruai a, Synod Secretary Reports leh Sum lam reports te ngaihthlak a ni bawk. Synod Inkhawmpuiin SEC rel tura a dah te leh Board hrang hrang atanga thu lutte ngaihtuah a ni. Tun tum SEC a thu ngaihtuah pawimawh leh lang sar deuh te chu – Mizorama Kohhran te inpumkhatna kawng zawn chungchang te, Synod Higher Secondary School building leh ram behchhanna College hawn chungchang te, Minister thi nupui fanau te chhawmdawlna siam te, Kohhran hming ziak dan siam that te, Minister, mahni duh thu a Synod Service chhuahsan te chungchang te leh Synod Committee hrang hrang member siam that ngaite siam rem te an ni a, heng bakah hian Inkaihhruaina Dan hrang hrang – Synod Administrative Set Up and Management te, Pastoral Ministry kaihruaina te, Nupa chungchang Dan te, Ramthar Manual te Synod Inkhawmpuiin entha tura a tih angin enthat a ni bawk.