Vawiin (June 17, 2016) chawhnu dar 1:00 khan P.C. Girls’ School-a Hostel Building thar chu Synod Moderator Rev. H. Lalrinmawian Pathian hnenah hlanin a hawng.
Moderator-in hostel building thar a hawn zawh hian Warden Quarters-ah programme hman a ni a, programme hi Rev. B. Sangthanga, Executive Secretary i/c Education in kaihruaiin Bible chhiarna leh tawngtaina hun a hmang a, Pu Lalvena Hnamte, Board Executive Committee Secretary-in Inhmelhriattirna hun a hmang a, Pi Zaithanchhungi, P.C. Girls’ School Headmistress hnen atangin reports ngaihthlak a ni. Synod Moderator Rev. H. Lalrinmawia hnen atangin thusawi ngaihthlak a ni a, a duh apiang tan thusawina hun tawi hawn a ni bawk. Hostel building hmasa kha kum 1979-a sak a ni a. Assam type - a dung ft 80, a vang ft 19 a ni a. A tet avangin naupang 20 bak an leng lo va, a building a lo hlui chhe tawh bawk nen sak thata tihlen turin Board Committee-ah an thlen a. Hotu lamten lo ngaih pawimawhin naupang 50 awm theihna turin budget-ah cheng nuai 200 zet dah a ni ta a ni. Nikum hmasa (2014) May thla-ah a in hlui chu thiat tanin sak that hna thawh tan a ni ta a. Harsatna engemaw avanga hna khaihlak pawh awm lovin tha takin zak zawh a lo ni thei ta a, May 7,2016-ah luah tan a ni. Tunah hian naupang 39 an awm mek a ni.
A building len zawng chu - a dung 84 ft, a vang 45 ft a ni a. Floor 3 a awm. 1. Ground floor - Warden room leh Study Room 2 2. A lai - Dormitory 3 leh chhak lamah RCC Tuizem lian 3. A hnuai ber - Kitchen, Dining Hall leh Dormitory 1 Corridor leh step-ah marble phah vek a ni a, chhuat zawng zawng tiles phah chhuah vek a ni bawk.
Hei bakah hian khum chhawngin siamtir a, naupang 50 aia tam mah an leng thei dawn a ni. Hostel building thar hawnnaah hian mi sawm bikte an kal tha hle a, he school atanga zirtirtu pension tawh mi engemaw zat an tel bawk.
For more pics Click Here