Dr. Fraser's Clinic, Mission Venga mi chu room chei that, chei thar leh siam rem hna zawh fel niin luah theiha peih a ni a, vawiin (March 21, 2024) chawhma dar 10:00 khan Pathian hnena hlanna hun hman a ni.
Programme hi Dr. Lalthakima, Director-in a kaihruai a, Upa Lalrinmuana, Coordinator, Synod Hospital-in Technical report a pe a, Rev. R. Vanlalnghaka, Synod Moderator-in a mamawh leh pantu apiangte tana damna thlentu a nih theih nan tawngtaiin Pathian hnenah a hlan a ni.
Dr Fraser's Clinic hi Synod Hospital Board-in chei that, chei thar leh room siam rem ni se, tiin a rel a. Synod Trust Department-in plan & estimate an siam a, October 30, 2023 atangin hna an thawk tan a, February 17, 2024-ah an zo a ni. A chei that hna hi Wonder Builder, Durtlang-in an thawk a, Rs. 29,75,000/- sen a ni.
Dr Fraser's Clinic-a inentir duhte tan tunah chuan pan theih a ni leh ta a, khawl leh thil dangah pawh a hma aiin a changtlung zawk a ni. Eye Unit lam erawh chu hun eng emaw chhung Zosaphluia building chhawng chung berah an la awm rih dawn a ni.