April 26-28, 2024 chhung hian Mizoram Presbyterian Kohhran bial hrang hrangah Bial Inkhawmpui neih a ni ang.
Vawiin (April 26, 2024) chawhma lam khan India ram puma Sunday School khaitu ber, All India Sunday School Association (AISSA) Office Bearer-te leh Mizoram Synod hotuten Synod Office-ah inkawm hona an nei.
Vawiin (April 25, 2024) khan Presbyterian Bible School (PBS) chuan Batch 57-na pualin Farewell and Dedication Programme, Pi Zaii Hall, Synod Conference Centre-ah an hmang.
John Williams Hospital, Lunglei chuan kum 2023-2024 tangka kum chhung khan Charity fund atangin Rs. 4,68,565/- leh donation atangin Rs. 5,58,375/- an dawn bakah khawl, bungrua, etc mamawh chi hrang hrang an dawng bawk.
April 24, 2024 (Nilaini) nilengin kumin (2024)-a a tum 12-na atan Synod Officers' Meeting an thu a, meeting hi Rev. R. Vanlalnghaka, Moderator-in a kaihruai a ni.
Vawiin (April 18, 2024) khan Missionary Training College (MTC) chuan B.Miss. zir zo mi 19 te thlahna hun (Graduation Day) vawi 12-na, Golden Jubilee Hall, Mission Vengthlang Kohhranah an hmang.
April 12-14, 2024 chhung hian Ram pum huap Kohhran Pavalai Pawl Intawhkhawm vawi-6 na chu East Lungdarah neih a ni ang. Nizan (April 11, 2024) khan pandal hlan inkhawm neih a ni a, mi 876 an inkhawm a ni.
April 10, 2024 (Nilaini) khan tun hnaia ruah leh thli avanga harsatna tawk Bilkhawthlir Hmarvenga chhungkaw 42, Tuithavenga chhungkaw 22 leh North Chawnpuia chhungkaw 4, an vaiin chhungkaw 68 te hnenah Rs.7,50,000/- pek a ni.
April 4, 2024 (Ningani) kha Kohhran Ni pawimawh, Mizorama Harhna thlen ni a nih avangin Kohhran hrang hrangah hman a ni a, Synod Office pawh khar a ni.
Vawiin (April 3, 2024) chawhnu dar 1:00 khan Synod Office J.M. Lloyd Hall-ah Mizorama Kohhrante Inpumkhatna (Council of Churches in Mizoram) Joint Committee an inhmukhawm a. Hetah hian kohhran hrang paruk aiawh an tel thei a, mi 37 an kal khawm a ni.
March 29, 2024 (Zirtawpni) hi Good Friday a ni a, March 28, 2024 (Maundy Thursday) atangin Good Friday Programme hman tan a ni ang.
MSSU leh Synod Information buatsaih, Naupang Pual Media Talent Show chu March 26 & 27, 2024 khan Golden Jubilee Hall, Mission Vengthlang Kohhranah neih a ni.
Vawiin (March 24, 2024) hi Tumkau Ni a ni a, Isua ropui taka Jerusalem a luh hriatrengna atana hman thin a ni a. Lal Isua chawimawiin naupangten tumkau kengin kawng an zawh thin.
Dr. Fraser's Clinic, Mission Venga mi chu room chei that, chei thar leh siam rem hna zawh fel niin luah theiha peih a ni a, vawiin (March 21, 2024) chawhma dar 10:00 khan Pathian hnena hlanna hun hman a ni.
Synod Revival Speaker-te tana buatsaih Intuaitharna hun chu March 19 - 22, 2024 chhung hian Synod Conference Centre-ah riakluta neih a ni a, Revival Speaker-te an kal kim thei a ni.
