Vawiin (March 24, 2024) hi Tumkau Ni a ni a, Isua ropui taka Jerusalem a luh hriatrengna atana hman thin a ni a. Lal Isua chawimawiin naupangten tumkau kengin kawng an zawh thin. Hmanlaiin tumkau hi thatna leh hnehna entir nan an hmang thin a ni.
Kum 1998 Synod chuan Tumkau ni hi Nilai leh Beihrual Thupui Bu-a tihlan thin turin a rel a. Chu thu chu bawhzuiin SEC chuan Sunday School tibuai lova inkhawm tum khat buatsaih thin turin a ti a. Kum 2007 atang erawh chuan inkhawm tum hnih buatsaih thin a ni ta a ni. Kum 2022 Synod Inkhawmpui chuan Tumkau Ni chawhma inkhawm hi 2024 atangin Sunday School awm lovin Tumkau Ni programme-a hman ni rawh se, tiin a rel a. Tumkau Ni programme-ah hian chawhma, chawhnu leh zan inkhawm atan thupui hetiang hian siam a ni.
Chawhma Inkhawm Thupui : 'Ngai rawh, I lal I hnenah a lo kal e'
Chawhnu Inkhawm Thupui : 'A chungah Isua an chuantir a'
Zan Inkhawm Thupui : 'Keini kan ngawih chuan lung te tal an au tur a ni'