November 27, 2024 khan Synod Executive Committee (SEC) vawi 309-na chu J.M. Lloyd Hall, Synod Office-ah an thu a. Meeting hi Moderator, Rev. R. Vanlalnghaka'n a kaihruai a. Rev. P.B. Mankima, Synod Secretary-in report a pe.
Synod Pastoral Committee-in Synod 2024-a chhawp chhuah tura Pro. Pastor a lakte an ni a. December 4, 2024 (Nilaini)-ah Synod Inkhawmpuiah inlan tur a ni.
Nizan (Nov. 25, 2024) khan Pi Zaii Hall, Synod Conference Centre-ah November 14-25, 2024 chhunga FG&CC-in Pastoral Care & Counselling Training vawi 32-na an buatsaih chu kharna hun hman a ni.
Synfo leh Central KTP buatsaih Praise On 2024 Mal zai intihsiakna chu November 22, 2024 (Zirtawpni) zan khan Dawrpui Kohhran Centenary Hall-ah Grand Finale neih a ni.
Vawiin (Nov. 22, 2024) khan Presbyterian Bible School (PBS) chuan Batch 59-na pualin Farewell and Dedication Programme, Pi Zaii Hall, Synod Conference Centre, Mission Vengah an hmang.
Rev. F. Lalchhuanmawia (kum 62), Bungkawn Bialtu Pastor chu nimin (Nov. 18, 2024) chawhnu dar 2:50 khan cancer avangin a thi a, vawiin (Nov. 19. 2024) chawhnu dar 1:00 hian Rev. Dr. C. Chawnghmingliana, Ex-Moderator-in Bungkawn Kohhran Biak Inah a vui ang.
Synod Multipurpose Training Centre (SMTC) buatsaih Lay Leaders Training vawi 229-na chu November 18, 2024 (Thawhtanni) zan khan SMTC-ah hawnna inkhawm neih a ni.
Vawiin (Nov. 19, 2024) chawhma dar 10 khan J.M. Lloyd Hall, Synod Office-ah Synod Finance Committee, vawi 151-na an thu. Meeting hi Rev. R. Vanlalnghaka, Synod Moderator-in a kaihruai.
Vawiin (Nov. 15, 2024) khan Tuikhuahtlang Presbyterian Kohhran Hall-ah Presbyterian Pastor Pension Fellowship (PPPF) ten intawh khawm programme tum 55-na an hmang.
November 12, 2024 (Thawhlehni) atangin Synod Executive Committee vawi 308-na chu J.M. Lloyd Hall, Synod Office-ah an thu a; November 14, 2024 (Ningani) thleng a awh ang.
Mizoram Presbyterian Kohhran chuan nakkum 2025 atana Nilai leh Beihrual Thupui zirlaibu tur chu a tichhuak ta a, Synod Bookroom -ah te lei theiha chhawp chhuah a ni ta.
Mizoram Presbyterian Kohhran chuan nakkum 2025-a Puitling Sunday School zirlaibu tur, Rev. Dr. L.H. Rawsea ziah “Thuthlung Thar Zirtirna” tih chu an tichhuak ta a. Rs.100/- chauha lei theih a ni ang.
November 7-8, 2024 zan dar 7:30 hian Dawrpui Kohhran Hall-ah Synfo leh Central KTP te buatsaih Praise On mal zai intihsiak, Top 10 intihsiak chu neih a ni dawn ta.
Vawiin (Nov. 6, 2024) chawhma dar 10:00 khan Synod Worship Committee vawi 13-na chu J.M. Lloyd Hall, Synod Office-ah an thu a, meeting hi Rev. R. Vanlalnghaka, Moderator-in a kaihruai.
Vawiin (Nov. 6, 2024) chawhnu dar 2 khan Worship Committee, Mizoram Synod hmalaknain Kristian Hla Bu App chu Rev. R. Vanlalnghaka, Synod Moderator-in tawngtaia hlanin a tlangzarh.
