MKHC chuan tun hnaia kan ramin harsatna hrang hrang a tawh mek chungchangah July 17, 2021 (Pathianni) zan dar 7:00 hian ram pum huap tawngtai rual urhsun neih nise tiin a rel a. Synod OM online-a inrawnkhawm chuan Kohhran chhung tinten thahnemngai taka tihlawhtling theuh turin hriattirna (Circular) a ti chhuak.
July 4, 2021 (Pathianni) hi kan Kohhranin Health Sunday & Hospital Sunday-a kum tina kan hman thin a ni a. Covid-19 hripui leng avanga sawrkarin SOP a duan angin tun dinhmunah chuan inkhawm a theih a rinawm loh a ni.
Covid-19 hripui leng mek avangin Synod hnuaia Board/Committee thut hun tura ruahman sa angin thut theih a ni rih lova. OM-in Board/Committee thut hun tur a ruahman hunah hriattirna tih chhuah leh a ni ang.
Synod Officers' Meeting thurel angin June 6, 2021 (Pathianni) zan hian kohhran chhungkaw tinin tawngtai rualna hun hman ni se tiin a rel a. Kohhran chhungkaw tinin thahnemngai taka hun lo hmang theuh turin an ngen nghal bawk.
PCI General Assembly chuan kum 2021 Assembly pual tawngtai thupui atan 'Tunlai khawvel chona kara Krista thuhretu nih' tih a thlang a. He ni hi May 23, 2021 (Pathianni)-ah hman tur a ni.
MKHC ngenna angin Synod Officers' Meeting (OM) Online-a inrawn khawm chuan hripui laka kan himna turin Tualchhung kohhrante hnena ngenna Circular a ti chhuak.
Vawiin (May 10, 2021)-a Synod Officers' Meeting (OM) Online-a inrawn khawm chuan kumin bikah Pastor Bial tinte chu Bial Inkhawmpui mahni neih theih hun tur remchang ngaihtuaha rel fel mai turin Bial Standing Committee kutah a dah.
Covid-19 hripui leng mek leh khuarel chhiatna hrang hrang avangin MKHC chuan May 8, 2021 zan dar 7:00-ah Ram pum huap tawngtai rualna neih ni se a tih angin vawiin tlaia OM thukhawm chuan kan Kohhran chhung tinten thahnemngai taka tihhlawhtlin ni se tiin a rel.
Vawiin (April 29, 2021) tlaia OM thut khawm hmanhmawh neihah 2021 May thla chhunga Synod Board/Committee thut hun tura ruahman tawh chu Covid-19 hripui leng mek avangin thulh rih mai ni se tiin a rel.
Zanin (April 16, 2021) zan dar 6:30 khan Synfo buatsaih Reality programme leh Kristian Film insiamsiak result puanna leh lawmman semna Synfo Studio-ah neih a ni.
OM 6:23 of 17.03.2021 chuan May 2021-a Pastor zir zo turte Induction neih hun atan May 30, 2021 (Pathianni) a ruat.
Tripura Synod building thar chu April 5, 2021 khan Mizoram Synod Moderator Rev. Dr. C. Lalhlira'n a hawng.
Synod Mission Board chuan Missionary a lak thar mi 30 te tan April 7 - 30, 2021 chhung hian SMTC, Mission Vengthlang-ah Orientation Training a buatsaih.
March 27, 2021 (Inrinni) khan Hmawngbu Pastor Bial chhunga T. Dûmzau-ah kang mei a chhuak a, hemi thu hriat anih veleh Synod Office, Lunglei leh Aizawl atangin chhawmdawlna tur kawng zawn nghal a ni a.
March 24 - 27, 2021 chhung hian Synod Conference Centre-ah Synod Revival Speaker-te pualin Residential retreat neih mek a ni a, thupui chu "Revival leh Rawngbawlna" tih a ni.