Synod Service Board chuan kum 2022 chhunga Synod Mission Board hnuaia Missionary hna (Contract)-a thawk turin mi 50 (Mipa 18 leh Hmeichhia 32) a la thar a, Feb. 1, 2022 atangin Missionary Training College (MTC), Mission Vengthlang-ah Orientation Class an nei ang.
Vawiin (Jan. 6, 2022) atangin kum 2022 atan Synod Office hawn tan a ni leh ta. Inhlan tharna hun hi J.M. Lloyd Hall-ah neiin Synod Moderator Rev. Dr. Vanlalnghaka Ralte-in fuihna thuchah a sawi.
Mizo Bible Zirna (Mizo Study Bible), Synod Literature & Publication Board-in a buatsaih chu vawiin chawhma dar 10:30 khan J.M. Lloyd Hall, Synod Office-ah tlângzarh a ni.
December 15-18, 2021 chhung khan Silchar Mission Compound-ah Cachar Tlangram Presbytery Upate pualin Lay Leaders' Training neih a ni.
Covid-19 hripui leng mek dona kawnga Mizoram Sawrkar hma lakna hrang hrangah Mizoram Presbyterian Kohhran thlawpna leh tawiawmna avanga lawmthu sawina leh hunpui chibai bukna Minister, Health & Family Welfare etc. hnen atangin kan dawng.
Kum 2020 Synod Rorel angin Pastor Bial thar hawn, Pastor leh Pro. Pastor Induction neih hun leh a neihpuitu turte ruatna leh hriattirna tih chhuah a ni a. Bial thar hawn hun atan January 8, 2022 leh Pastor/Pro. Pastor Induction hun atan January 9, 2022 ruat a ni.
Minister/Pastor 30, Institution hrang hrang ATC, MTC leh FG&CC, Field Secretary, Chaplain leh Office-a thawk tura dahte an hna zawm hun tur chungchang vawiin (16.12.2021) khan Office Order tih chhuah a ni.
Nizan (Dec. 14, 2021) khan Synfo leh CKTP buatsaih Krismas Urlawk Live programme chu Golden Jubilee Hall, Mission Vengthlang Kohhranah tluang taka neih a ni.
Synod Inkhawmpui vawi 98-na chu Dec. 7, 2021 atang khan Republic Veng Kohhran Biak Inah neih tan a ni a, Inkhawmpui hian Dec. 12, 2021 (Pathianni) thleng a awh ang.
Synod Pastoral Committee-in Synod 2021-a chhawp chhuah tura Pro. Pastor a lakte an ni a. December 8, 2021 (Nilaini)-ah Synod Inkhawmpuiah inlan tur a ni.
Vawiin December 2, 2021 (Ningani) chawhma dar 11-ah khan Aizawl Theological College Chapel-ah Didakhe chanchinbu kum 50 (Golden Jubilee) tlin lawmna hun hman a ni.
Kum 2021 Synod Inkhawmpui lo awm tura palai riak lut tura hming pete thlen dan tur chungchanga hriattirna tihchhuah tawh (i.e. Nov. 30, 2021) chu tih danglam ngai a awm avangin siamthatna tih chhuah a ni a, palai turte hi Synod-in hmun hma a neih hrang hrangah thlen tir tura ruahmanna siam a ni leh ta zawk a ni.
Kum 2021 Synod Inkhawmpui lo awm tura palai riak lut tura hming pete thlen dan tur ruahmanna peih fel a ni ta a. Synod Conference Centre, Mission Vengah leh Pachhunga University College, College Vengah thlenna tur ruahman a ni.
Vawiin (Nov. 26, 2021) hi Kohhran Hmeichhe Ni vawi 25-na a ni a, hripui leng avanga kum danga hman thin ang chuan hman hleih theih a ni lo. Amaherawhchu, sorkar-in inkaihruaina a siam zui chungin a theih ang angin Kohhran Hmechhiaten he an Ni pawimawh hi hmangin "Ruth Bell Graham-i Chanchin an zirho ang.
SEC 291:47 of Sept. 21-23, 2021 leh Synod OM 20:9 of Oct. 30, 2021-in kum 2021 Synod Inkhawmpuia palai tur a ruahman tawh bakah SEC 292 leh OM 22:3 of Nov. 16, 2021 chuan a hnuai a mi te hi palai turin a ruat belh.
