COUNSELLING

ZAWHNA:
Tlangval kum 25 mi, KTP a inhmang tak ka ni a, nulat tlangval naah hian ka fimkhur hle a, nupui atana ka duh loh chu ngaihzawn ka tum lo a, chuvang chuan tun thlengin ngaihzawng nei lovin ka la awm a ni. Pathian hnenah nupui atan ka duhzawng ka thlen thin a, mahse a chhanna ka hmu in ka inhre bawk si lova. Nupui atan ka duh/ka tehna hmasa ber atan chuan keimah ang bawka ngaihzawng nei ngai lo ka duh a, hetiang mi nula fel tak si hi hmuhtur an awm toh lo nge ni. Pathian hnenah ka dildan te hi ka thlak mai dawn nge ni. Ka rilru a buai hle a, i tanpui ka ngai a ni. Pathian chuan ka mamawh chhanna hi a nei ang tih ka ring deuh bawk si a. Ka duhtui lutuk deuh nge ni.

CHHANA:

Lo tawngtai fan fan mai rawh, mahse thlalera Mosia'n dar rul a khai kan ang deuh khan i chan loh khanah a chhuak ang tih a va hlauhawm em!  Pathian Chhanna hre turin a aw uluk takin ngaithla ang che.

ZAWHNA:
Tlangval kum 23 mi ka ni a, nikum mai khan ngaihzawng ka nei thar vea,kan induh ve em em a,kan in ngaina boka,tunhun mai piah lam chhungkaw din dun thlengin kan soi dun thina,nupui pasal tur ang tak tak in kan in en hial toha,kan inzui nasa lutuk a niang kan chesual ta nge2 a,voi engemaw zat sex ka hmang dun toha.Mahse kan rilru buaina em2 chu,nakinah lekhate lo zir zo in inneih lo duh ta ila, Kohhran dan thianghlim in kan tlin ang m? tunah sim toh mah ila kan lo chesual toh sia,Presbyterian kan nia, dan thianghlim kan tlin ang m? Inthen chu kan tum lo bur, in neih chu kan tum lutuk,kan thian hnaiberte chauh in kan chesual toh tih an hria, mahse Pathian in min hmu vek sia, Dan thianghlim in kan ngam ang em?

CHHANA:

I Johana 3:21 ah khan "kan rilruin thialoh min chantir loh chuan Pathian lamah kan huai ni" tiin a inziak a, i lehkha atang hian he chang ang hian inthiamlohna i nei tih chu a chiang a, In inneih huna Biak In hawn leh hawn loh chu nangmahni (a innei tura)ah a innghat ber a ni. Mahse, huaisen taka Biak In hawng lo zawnga i che a nih chuan ngaisangtu chu chiang takin i nei dawn ani (i thian hriatpuitu che chu) 

ZAWHNA:
is the church provide help to young women to get married?

CHHANA:

 

 Thank you for raising a very relevant question but the question is vague in the sense that it can be answered in two ways:-
              1. The church helps the young women to lead a happy married life by providing them pre- marital counselling before marriage.
              2. The church does not provide any monetary help or arrange marriage for young women in order  to enable them to get married.

ZAWHNA:
ka ngaihzawng nen kan chesual toh a,mahse Pathian hnenah ngaihdam dilin kan sim a,inneih hma chu chesual lo turin kan thutiamah kan ding tlat a,kan sual sim min ngaidamin kan hria. Presbyterian kohhran dan thianghlima inneih kan duh a, Pathian ngaihdamna avangin ala theih tho m? Pathian hnenah a remloh chuan chetsual avanga mualphona lo thleng turin kan dil thin a, chutiang a nih chuan inruk mai kan hrehlo mahse engmah a thleng lo. Pathian ngaihdamna avangin inthiamlohna poh a reh toh a,Dan thianghlima inneih turin Palai tirh vat kan duh a, khawngaihin thurawn min pe turin kan ngen a che.

CHHANA:

Pathian Thu chuan 1Johana 3:21 ah chuan "Duh takte u, kan thinlungin thiamloh min chantir loh chuan Pathian hmaah huaina kan nei a ni" (FB bible lehlin); BSI ina bible an lehlinah chuan "Duhtak te u, kan rilruin thiamloh min chantir loh chuan Pathian lamah kan huai a ni" . Hemi chang atanga a lan dan chuan kan thil tih kawng tinrengah hian Pathian nen kan inkar a fel leh fel loh hi a pawimawh ber a, Biak in hawnga inneih in duh chungchangah pawh hian Pathian leh nangmahni inkar a nih avangin hma lak dan tur Pathian rawn chungin ti la , a tha ber ang.

Inneihna chungchangah Prebyterian kohhranah hian Inneihna thianghlim a inneih a ni vek a, Biak in hawng leh hawng lo mai hi inthliarna chu a ni zawk. Kohhran Danah chuan chesual tawh si, Biak In hawnga inneih hi a rem lo.
Hei hi ngaihtuah lawk tel a pawimawh bawk ang. Inneihnaah inneihtirtuin zawhna hetiang hian a siam thin a:-
Tunah hian in pahnihin ka zawt a che u. "Lang lo tura thuhruk engmah a awm lo va, hriat loh tura zep ruk pawh engmah a awm hek lo", Lal Isuan a ti a. Ni kin niah emaw, eng hunah emaw thil zep ruk eng pawh a lang tho dawn a. Chuvangin, tunah hian, Pathian hminga in inneih a rem lohna a awm chuan, nangmahni in inpuang tur a ni. Puan tur in neih loh chuan inneihna thutiam in sawi ang... tiin. 

ZAWHNA:
kan vengah hian nula hmeltha tak mai ngaihzawn ruk leh nupuiah pawh neih ngei ka duh a awm a. Mahse ka phuloin kan dinhmun pawh a inthlau hle. Ka duh em avangin neih ngei ka duh bawk si. A hmel ka hmuh ringawt pawhin keimahah danglamna nasa tak a awm thin a, ka hrilh ngam bawk si lo. Engtin nge ni ang?

CHHANA:

Dinhmun inang leh inphu tawk tak pawh ni ula, a ruka i ngaihzawn ringawt te chuan inneih ngaihna a awm lo mai thei. Nula leh tlangval, inhmangaih, induh tawn te an innei thin a. I hmangaih thu hrilh la, a hmangaih ve che chuan in inkar dang zawng chu a fel maiin a rinawm.

ZAWHNA:
ka zawh na te hi achhan na ka beisei hma lutuk nge ni tin ka chang a,anghak tu tan ava rei duh ve

CHHANA:

Lo nghak hram hram rawh. A chhanna hi a hlawmin mi thiamte hnenah pek thin a ni a. An la rawn chhang em em ang.

ZAWHNA:
KHAWNGAIH TAK IN ARANGLAMA MIN CHHANG THEIH CHUAN KA LAWM HLE ANG NGAIHZAWNG KA NEI VE A,KAN IN DUH VE EM EMA,KAN IN KAR AH BUAI NA AWM LOVIN K UNAU TE ATANGIN THEN TUR IN MIN TI A.ADINHMUN ATHAT TAWK LOVANG ANI BER,KEI IN HARSA KA TI A,ADINHMUN HI PATHIAN DAH NA NI A ANI PAWH ALUNGAWI BIK LO ANGA KEI IN HNAWL PHAH NAN KA HMAN LEHZEL CHUAN ANUN IN ACHHIAT PHAH NGEI DAWN SI.AMAN MIN THEN THEI MAI BAWK SI LO.KEIPAWHIN ADINHMUN VANGIN KA TI NA NGAWT THEI SI LO.KA CHHUNGTE TI NAT KA DUH BAWK SILOVA KHAWNGAIH IN ENGTIN NGE KA AWM ANG MIN PUI TEH.KA BEIDAWNG LUTUK ANI.

CHHANA:

I dinhmun hi a khirh hle mai. I awm zel dan turah Pathian i rawn em? Tin, in Bialtu Pastor emaw Kohhran Upa emaw rawn bawk la a duhawm khawp mai. Ralkhat atanga thurawn inpek ai chuan in Kohhran hruaitu tu emaw, nangmah leh in inchhung dinhmun hrechiangtu kha rawn thei la chuan i tangkaipui ngeiin a rinawm. Synod Family Guidance & Counselling Centre-ah counsellor-te pawh an rawn theih bawk ang.

ZAWHNA:
Nupa a faneih hnuah hian a hmeichhe chhungte inlama naute leh anu khawsak hi tunlai hian an intihhmuh nasa toh hle.Thil tha ber ani em?Enge tha ber ang?

CHHANA:

Thil tha ber a nih leh nih loh chu sawi thiam a harsa khawp mai. Nimahsela, mipa (pasal) hnathawhna vang emaw, chhungkaw dinhmunin  a mamawh vang emawa inhrethiam chunga tih a nih chuan a that lohna a awm lem dawn em ni? 

ZAWHNA:

Tlangval kum 24 mi ka ni a , nikum hmasa khan ngaihzawng ka nei ve a, kan induh ve em2 a, lehkha zir chhuaha inneiha, chungkaw din hialte kan rel thin a, kan inzui nasa ve em bawk a. Kan lo chesual ta a , mahse a railo. Tun hnuah hian kan inkar a buai ta em2 mai a, kan inthen ta ringawt a, kan nih leh chu ka ring tawh lo. Ngaihzawng dang pawh ka nei leh tawh a, ka buaina ber chu kei chu ka thianghlim tawh silova, ka ngaihzawng thar hian a hre silo..Pasal atan min duh thu min hrilh thin a, kei pawhin nupui atan ka duh. Mahse ka thianghlim tawh silo..Presbyterian Kohhran Dan angin in nei ta ila, pawi sawi ka ni ang em le..

CHHANA:

Thil tha ber a nih leh nih loh chu sawi thiam a harsa khawp mai. Nimahsela, mipa (pasal) hnathawhna vang emaw, chhungkaw dinhmunin  a mamawh vang emawa inhrethiam chunga tih a nih chuan a that lohna a awm lem dawn em ni? 

ZAWHNA:
Tlangval kum 25 mi, KTP a inhmang tak ka ni a, nulat tlangval naah hian ka fimkhur hle a, nupui atana ka duh loh chu ngaihzawn ka tum lo a, chuvang chuan tun thlengin ngaihzawng nei lovin ka la awm a ni. Pathian hnenah nupui atan ka duhzawng ka thlen thin a, mahse a chhanna ka hmu in ka inhre bawk si lova. Nupui atan ka duh/ka tehna hmasa ber atan chuan keimah ang bawka ngaihzawng nei ngai lo ka duh a, hetiang mi nula fel tak si hi hmuhtur an awm toh lo nge ni. Pathian hnenah ka dildan te hi ka thlak mai dawn nge ni. Ka rilru a buai hle a, i tanpui ka ngai a ni. Pathian chuan ka mamawh chhanna hi a nei ang tih ka ring deuh bawk si a. Ka duhtui lutuk deuh nge ni.

CHHANA:
Pathian hnena dilna i thlen chu ring ngam mai rawh. Tlangval lai chuan tute pawhin nupui tur chu kan duhtui theuh a lawm. Tunah kum 25 mi chauh i la ni a, beidawng lovin Pathian chhanna chu lo nghak phawt zel mai rawh. Kan lo tawngtaipui bawk ang che.

SUBMIT QUESTION